وفاقی دارلحکومت میں نجی بینک کے منیجر کی جانب سے خاتون کو سرعام ہراساں کئے جانے کا شرمناک واقعہ سامنے آیا ہے۔
سوشل میڈیا پر وائرل ہونے والی ویڈیو میں دیکھا جاسکتا ہے کہ نجی بینک کا منیجر خاتون ملازمہ کو حراساں کرتا ہے۔ اب تک کی معلومات کے مطابق شرمناک حرکت کرنے والے شخص کی شناخت عثمان گوہر کے نام سے ہوئی ہے جو فیصل بینک کی ایف ٹین برانچ کا منیجر ہے۔
واقعہ کی ویڈیو وائرل ہونے کے بعد ٹوئیٹر پر شہریوں کی جانب سے شدید ردعمل سامنے آیا ہے اور انہوں نے اسلام آباد کی انتظامیہ اور فیصل بینک سے مذکورہ افسر کے خلاف کاروائی کا مطالبہ کیا ہے۔
Usman Gohar Manager Faysal Bank F-10 Islamabad Harassing Women But This is Not the Story of One Girl, Idk When Govt of Riyasat e Madina will Take Serious & Strict Action Against These Beast, Wallah! pic.twitter.com/z0i2HWipyt
— Syeda Mizra Jilani (@smjq_official) November 7, 2020
ڈپٹی کمشنر اسلام آباد حمزہ شفقت نے ٹوئیٹر پر عوام سے واقعہ کی ویڈیو ڈیلیٹ کرنے کی اپیل کی ہے۔ ڈپٹی کمشنر کی ٹوئیٹ پر ردعمل دیتے ہوئے سینئر صحافی ارشد شریف نے لکھا کہ کیا ویڈیو کسی بااثر شخص سے متعلقہ ہے؟ ڈپٹی کمشنر ہراسگی کرنے والے شخص کو بچانے میں دلچسپی کیوں لے رہے ہیں؟ اگر یہ آپ کی بہن ہوتی تو؟
Why delete it? Is he related to someone powerful? What action ISB police can take?Why DC interested in protecting the harasser?What action you can take other than to cover up & let him go ?What if she was ur sister? #FaisalBank Management should kick his ass. https://t.co/dWVsqDB0rC
— Arshad Sharif (@arsched) November 7, 2020
ڈپٹی کمشنر نے واقعہ پر ہونے والی پیش رفت کے حوالے سے آگاہ کرتے ہوئے لکھا کہ ملزم عثمان گوہر کو بینک کی جانب سے نوکری سے نکال دیا گیا ہے، نیز وہ اسٹیٹ بینک اور پاکستان کے قوائد کے مطابق اب کسی بھی بینک میں ملازمت کےلئے اہل نہیں ہونگے۔
ملزم کی گرفتاری کےلئے چھاپے مارے جارہے ہیں۔ انہوں نے شہریوں سے خاتون کی شناخت کو محفوظ رکھنے کی اپیل کی ہے۔
Usman Gohar Manager Credit department Faysal Bank F10 Markaz Islamabad has been arrested & shifted to Police Station.
Further legal action being taken. https://t.co/3DX76SZn8d pic.twitter.com/mCPliYWOod— DIG Operations Islamabad (@DigIslamabad) November 7, 2020
ڈی آئی جی اسلام آباد پولیس نے ٹوئیٹر پر ملزم عثمان گوہر کو گرفتار کرنے کا دعویٰ کیا ہے اور ٹویٹ کے ساتھ ملزم کی تصویر بھی شیئر کی ہے۔
گرفتاری کی خبر ملنے کے بعد ارشد شریف نے اسلام آباد انتظامیہ اور پولیس کی کارکردگی کو قابل ستائش قرار دیتے ہوئے اس واقعہ کے حوالے سے کی گئی اپنی گزشتہ ٹویٹرز ڈیلیٹ کردیں۔
