لڑکیوں کے داخلے کی شرح میں اضافہ اولین ترجیح ہے، ڈاکٹر ملک احمر ذوالفقار نون
بائیس ہزار سے زائد طلبا علامہ اقبال اوپن یونیورسٹی کے ساہیوال ریجنل سینٹر سے مستفید ہورہے ہیں، انٹرویو
علامہ اقبال اوپن یونیورسٹی ریجنل سینٹر ساہیوال 1988 سے ساہیوال ڈویژن کی سات تحصیل اور تین اضلاع میں فروغ تعلیم کے لئے کوشاں ہے۔ یہ سینٹر جو جنوبی پنجاب میں تعلیم کے فروغ ایک اہم تعلیمی مرکز کے طور پر خدمات انجام دے رہا ہے۔ بابا فرید الدین گنج شکر کی یادگار اور ہڑپہ آثار قدیمہ جیسے تاریخی مقامات کے درمیان واقع یہ مرکز ضروری تعلیمی وسائل اور جدید سہولیات فراہم کرتا ہے۔ ریجنل ڈائریکٹر ڈاکٹر ملک احمر ذوالفقار نون کی سربراہی میں قائم یہ مرکز تعلیمی کارکردگی اور طلباء کی فلاح و بہبود کو ترجیح دیتا ہے اور اوپن یونیورسٹی کے ان پروگراموں اور خدمات سے 22,000 سے زائد طلباء مستفید ہو رہے ہیں۔
ڈاکٹر ملک احمر ذوالفقار نون نے دسمبر 2019 میں علامہ اقبال اوپن یونیورسٹی میں اپنے اپنے پیشہ ورانہ سفر کا آغاز کیا ۔ ابتدائی طور پر وہ بہاولنگر میں تعینات تھے، جو اس وقت ایک نئے قائم ہونے والے علاقے تھے، بعد میں 10 نومبر، 2023 کو انہوں نے ساہیوال ریجن کا چارج سنبھالا۔
ڈاکٹر ملک احمر ذوالفقار نون نے میڈیا کے نمائندوں سے گفتگو کرتے ہوئے کہا کہ پاکستان میں اسکول نہ جانے والے بچوں کا چیلنج درپیش ہے جس میں تعلیمی اداروں تک محدود رسائی، مالی مشکلات اور دیہی بچوں کو اپنے خاندانوں کے ذریعہ معاش میں حصہ ڈالنے کی ضرورت جیسے عوامل شامل ہیں۔ ان رکاوٹوں کو مدنظر رکھتے ہوئے علامہ اقبال اوپن یونیورسٹی پسماندہ طبقات کی ضروریات کے مطابق ایک غیر رسمی تعلیمی سیٹ اپ فراہم کرتا ہے۔
ڈاکٹر ملک احمر ذوالفقار نون نے کہاکہ میٹرک کے بعد، مالی رکاوٹیں اور معاشرتی اصول اکثر لڑکیوں کی تعلیمی ترقی میں رکاوٹ بنتے ہیں. اس سے نمٹنے کے لئے ، ڈاکٹر نون اور ان کی علاقائی ٹیم لڑکیوں کے داخلے کی شرح میں اضافے کےلئے دیہی علاقوں میں بااثر شخصیات کے ساتھ فعال طور پر مشغول ہے ، جس کے نتیجے میں اندراج میں اضافے میں نمایاں کامیابی ملی ہے۔
فیس بک جیسے سوشل میڈیا پلیٹ فارمز کو استعمال کرتے ہوئے ڈاکٹر ملک احمر ذوالفقار نون نے طلباء کے ساتھ براہ راست بات چیت کرنے اور ان کے سوالات اور خدشات کو دور کرنے کے لئے لائیو سیشنز کا آغاز کیا۔ مزید برآں، ساہیوال میں اے آئی یو کا ریجنل آفس معلومات کی ترسیل اور طلباء کی مدد کرنے کے لئے مقامی ٹیوٹرز کا استعمال کرتا ہے، واٹس ایپ جیسے پلیٹ فارم ز کو بلا تعطل مواصلات اور اسائنمنٹس میں مدد کے لئے استعمال کرتا ہے۔
