ترک ڈرامہ ارتغرل غازی گزشتہ چند روز سے پاکستان میں میڈیا اور سوشل میڈیا پر موضوع بحث بنا ہوا ہے اور ارتغرل غازی کا ٹرینڈ آج بھی ٹوئیٹر پر ٹاپ ٹرینڈ بنا ہوا ہے۔ پاکستان مسلم لیگ ن کی رہنما حنا پرویز بٹ نے بھی اس ٹرینڈ سے متعلق اپنی ایک ٹویٹ سے نئی بحث کو جنم دیا ہے۔
حنا پرویز بٹ نے اپنی ٹویٹ میں لکھا ہے کہ ارتغرل ڈرامہ دیکھ کر انہیں خیال آیا کہ مریم نواز صاحبہ بھی انہی خوبیوں کی مالک ہیں۔ اپنے خدا پر مضبوط ایمان، حوصلہ، بہادری، بدترین حالات میں بھی ہمت نہ ہارنا، اچھے اور برے لوگوں کی پہچان، سب لوگوں کی مخالفت کے باوجود اپنے مقصد پر کھڑے رہنا۔
ارتغرل ڈرامہ دیکھ کر مجھے خیال آیا کہ مریم نواز صاحبہ بھی انہی خوبیوں کی مالک ہیں۔ “اپنے خدا پر مضبوط ایمان، حوصلہ، بہادری، بدترین حالات میں بھی ہمت نہ ہارنا، اچھے اور برے لوگوں کی پہچان، سب لوگوں کی مخالفت کے باوجود اپنے مقصد پر کھڑے رہنا” #Ertugrul
— Hina Parvez Butt (@hinaparvezbutt) May 13, 2020
حنا پرویز بٹ کی ٹویٹ کے بعد ٹوئیٹر صارفین کی جانب سے انہیں شدید تنقید کا نشانہ بنایا جارہا ہے۔ میاں خیل نامی ٹوئیٹر صارف لکھتے ہیں کہ ” میں ن لیگ کا سپورٹر ہوں مگر آپ کی ٹویٹ سے شدید اختلاف ہے مجھے، ارطغرل نے اسلام کی خاطر جنگیں کیں مریم نواز حکمرانی کی خاطر لڑ رہی ہے”۔
میں ن لیگ کا سپورٹر ہوں مگر آپ کی ٹویٹ سے شدید اختلاف ہے مجھے، ارطغرل نے اسلام کی خاطر جنگیں کیں مریم نواز حکمرانی کی خاطر لڑ رہی ہے، ارطغرل کے بیٹے کو حکومت ملی اس نے اسلامی قوانین نافذ کئے ن لیگ کو 3بار حکومت ملی کیا کام کیا اسلام کی خاطر
— میاں خیل (@IlyasKh98336227) May 14, 2020
